Gazeta Wyborcza: «Biełaruski režym napiaredadni sihnalizavaŭ Varšavie»
Polskija medyi praciahvajuć pisać pra sytuacyju vakoł dyplamatyčnaha skandału pamiž Eŭraźviazam i aficyjnym Mienskam.
Ahladalnik štodziońnika «Gazeta Wyborcza» Jacek Paŭlicki ŭ artykule «Miensk užo nie ašukaje Eŭraźviaz» piša, što salidarnaja reakcyja Bruselu na kroki Miensku suprać ambasadara Polščy dy pradstaŭnicy Eŭraźviazu stałasia niečakanaściu dla administracyi Alaksandra Łukašenki.
«Paśla taho, jak u aŭtorak Eŭraźviaz salidarna adklikaŭ svaich ambasadaraŭ ź Biełaursi,
Dalej aŭtar padaje davoli sensacyjnuju infarmacyju pra toje, što pavodle krynicaŭ jahonaj hazety, napiaredadni aficyjny Miensk nakiroŭvaŭ u Varšavu «syhnały pra toje, što choča dyjalohu ŭzamien na spynieńnie pašyreńnia sankcyjaŭ».
«Režym chacieŭ razmaŭlać u tym liku i pra palitviaźniaŭ, pry ŭmovie, što polski MZS ustrymajecca, kab prasoŭvać pašyreńnie sankcyjaŭ, pieradusim na spadara Čyža. Chacia syhnały byli surjoznymi dy vysokaha ŭzroŭniu, ministar Radasłaŭ Sikorski ŭžo nie chacieŭ vystaŭlać čeki na pradjaŭnika, bo adnojčy ŭžo apioksia na pustych abiacankach Łukašenki, kali vosieńniu 2010 hodu razam sa svaim niamieckim kaleham Hida Vestervele pierakonvaŭ biełaruskaha prezydenta nie falsifikavać vyniki vybaraŭ», — piša «Wyborcza».
Aŭtar adznačaje, što Łukašenka vieryć, što i nadalej budzie «łaviravać pamiž Zachadam i Rasiejaj, praciahvajučy takim čynam svajo panavańnie», ale Brusel, hałoŭnym čynam dziakujučy Polščy, sprabuje ŭzmacnić sankcyi i kali jany pačynajuć tyčycca bližejšaha atačeńnia biełaruskaha kiraŭnika, nie zakranajučy zvyčajnych hramadzianaŭ, heta, jak piša hazeta, «balić».
«Niezaležna ad taho, jak skončycca hetaja partyja ŭ pokier, Eŭraźviaz dziakujučy apošnim zachadam Łukašenki, pakazaŭ vyklučnaje adzinstva i metanakiravanaść. Heta vielmi mnoha, bo ŭ časie kryzisu eŭra, zdolnaść Eŭrapiejskaha źviazu rabić mocnyja dy salidarnyja kroki ŭ zamiežnaj palitycy značna źmienšyłasia», — padsumoŭvaje ahladalnik štodziońnika «Gazeta Wyborcza» Jacek Paŭlicki ŭ artykule «Miensk užo nie ašukaje Eŭraźviaz».