25-hadovaja mama ŭ Homieli zahinuła ad niadbajnaści daktaroŭ
Vypadak zdaryŭsia hod tamu, ale sudy praciahvajucca.
Sudovaja kalehija pa kryminalnych spravach Homielskaha abłasnoha suda 29 lutaha admianiła pastanovu suda Navabielickaha rajona ŭ dačynieńni da dvuch uračoŭ adnoj ź miedustanoŭ Homiela.
Raniej rajonny sud spyniŭ spravu za nienaležnaje vykanańnie prafiesijnych abaviazkaŭ miedycynskim rabotnikam, jakoje paciahnuła pa nieaściarožnaści śmierć pacyjenta (č. 2 art. 162 Kryminalnaha kodeksa Biełarusi) i vyzvaliŭ abvinavačvanych ad adkaznaści.
Jak paviedamiŭ prakuror adździeła pa nahladzie za zakonnaściu sudovych pastanoŭ pa kryminalnych spravach prakuratury Homielskaj vobłaści Siarhiej Sałoŭski, abvinavačvanymi pa spravie prachodziać
U žančyny pačaŭsia unutrybrušny kryvaciok, ale ŭračy nie vyjavili krynicu i nie spynili jaho. U toj ža dzień pacyjentka pamierła ad vialikaj straty kryvi.Za stanam paradzichi nie ažyćciaŭlaŭsia naležny kantrol.
Akramia taho, paśla stała viadoma, što padčas praviadzieńnia apieracyi ŭračy zabyli ŭ brušnoj połaści paradzichi survetku.Śledstva ŭstanaviła, što niedachopy ŭ akazańni miedycynskaj dapamohi stali pramoj pryčynaj śmierci maładoj žančyny.
Tym nie mienš rajonny sud spyniŭ spravu ŭ suviazi z prymireńniem bakoŭ, niahledziačy na piarečańni dziaržabvinavaŭcy. Paciarpiełym byŭ pryznany muž zahinułaj pacyjentki.
Da razhladu spravy ŭ sudzie abvinavačvanyja ŭračy zapłacili mužčynu pa 3.720 dołaraŭ ZŠA za škodu, naniesienuju śmierciu žonki.Tamu muž padaŭ chadajnictva ab spynieńni spravy, i sud jaho zadavoliŭ.
Adnak pastanovu rajonnaha suda apratestavała prakuratura ŭ suviazi ź niezakonnaściu spynieńnia spravy. Abłasny sud nakiravaŭ jaje na novy razhlad.Jak adznačyli ŭ prakuratury, niahledziačy na dakazanaść viny ŭračoŭ, sami jany svaju vinu nie pryznajuć.
Dzicio, dadaje kp.by, zastałosia žyvoje -- naradziłasia dziaŭčynka. Jaje haduje ciapier tata.