Viktar Šałkievič syhraje Januša Korčaka ŭ polskim miuzikle

Premjera — 6 žniŭnia.

U 70-ju hadavinu śmierci Januša Korčaka Padlaskaja opiera rychtujecca da prezientacyi miuzikła «Korčak».

Premjera spektakla raniej adbyłasia ŭ Łondanie ŭ Theatre Royal Playmouth, pry supracoŭnictvie z Youth Music Theatre UK, brytanskaj arhanizacyjaj, jakaja zajmajecca prapahandaj muzyčnaha teatra siarod moładzi.

Polskaja premjera adbudziecca dakładna ŭ 70-ju hadavinu śmierci hieroja, 6 žniŭnia.

Nahadajem, što ŭ Polščy 2012 h. abjaŭleny hodam Januša Korčaka (1878–1942).

Hałoŭnuju rolu vykanaje biełaruski aktor i bard Viktar Šałkievič.

U miuzikle apaviadajecca historyja słavutaha doktara, dziciačaha piśmieńnika i piedahoha, jaki kłapaciŭsia pra habrejskich sirot. Padzieja adbyvajecca padčas niamieckaj akupacyi, kali dziciačy prytułak, jakim kiravaŭ Korčak, byŭ pieraniesieny ŭ Varšaŭskaje hieta.

Kamientary da artykuła