Aŭtakran prataraniŭ na kalcavoj try aŭto i vylecieŭ u kiuviet + fota
Paciarpieli kiroŭcy krana i adnaho z lehkavikoŭ.
Surjoznaja avaryja zdaryłasia 6 sakavika na MKAD u rajonie raźviazki z Partyzanskim praśpiektam, paviedamlaje partał Auto.onliner.by.
Na dadzieny momant viadoma, što kiroŭca aŭtakrana MAZ spačatku ździejśniŭ sutyknieńnie z Audi Q7, potym urezaŭsia ŭ pryčep fury (jana naležyć pradpryjemstvu, na jakim jon pracuje) i prataraniŭ Citroen, jaki vyjazdžaŭ na MKAD, paviedamili supracoŭniki DAI Zavodskaha rajona. U balnicy paśla avaryi byli dastaŭlenyja kiroŭcy krana i Citroen.
Pavodle papiaredniaj infarmacyi, kiroŭca MAZa byŭ ćviarozy. Jon nie zmoh patłumačyć supracoŭnikam DAI pryčyny zdareńnia.