Vietrakoŭ u Dziaržynskim rajonie pakul nie budzie

Suprać vystupiła Minabarony.

Staršynia Minskaha abłasnoha vykanaŭčaha kamiteta Barys Batura paviedamiŭ, što budaŭnictva vietrakoŭ u Dziaržynskim rajonie nie moža raspačacca z-za roznahałośsia ź niamieckim inviestaram nakont vyšyni ŭstanovak.

Barys Batura skazaŭ, što «hiermanski inviestar zapytaŭ vyšyniu ŭstanovak 150–200 m». Staršynia Minabłvykankama patłumačyŭ: «Ale ja pavinien skazać prama, heta parušaje abaronazdolnaść krainy. A na inšyja ŭmovy jany nie zhodnyja».

Pry hetym Barys Batura zapeŭniŭ, što pieramovy praciahvajucca i biełaruski bok prapanuje inšyja miescy.

Ministerstva abarony vystupiła suprać budaŭnictva vietrakoŭ u Dziaržynskim rajonie. Na dumku vajskoŭcaŭ, vietraki buduć źnižać efiektyŭnaść raboty sistem PVA.

Na siońniašni dzień na Minščynie samymi viadomymi źjaŭlajucca vietraki, ustalavanyja ŭ Naračanskim krai. Sumiesna ź niemcami tam pabudavana ekałahičnaja vioska dla pierasialencaŭ z Čarnobylskaj zony. Damy ŭ hetaj vioscy pabudavanyja z sałamianych błokaŭ, što dapamahaje ekanomić elektraenerhiju i dobra ŭpłyvać na zdaroŭje žycharoŭ.

Akramia vietrakoŭ niamieckija inviestary prapanoŭvajuć biełaruskamu boku prajekty dla ŭtylizacyi śmiećcia i vykarystańnia enerhii rečak.

Kamientary da artykuła