Kamunisty-kalakincy iduć na parłamienckija vybary
Biełaruskaja partyja levych "Spraviadlivy śviet" ličyć nieabchodnym dać vybarščykam i členam vybarčych kamisij alternatyvu na parłamienckich vybarach, zajaviŭ staršynia partyi Siarhiej Kalakin6 sakavika ŭ Mahilovie.
"My zajavili adnaznačna, što siońnia ŭmoŭ dla praviadzieńnia svabodnych, spraviadlivych raŭnapraŭnych vybaraŭ u krainie niama, i naŭrad ci jany źjaviacca da vieraśnia hetaha hoda", — skazaŭ kiraŭnik partyi levych.
Pavodle jaho słoŭ, u krainie "iość palitźniavolenyja, nie rehistrujucca palityčnyja partyi i hramadskija abjadnańni, zarehistravanyja arhanizacyi nie mohuć ažyćciaŭlać svaju statutnuju dziejnaść, zabaronieny mitynhi, demanstracyi, naohuł palityčnaja dziejnaść znachodzicca pad zabaronaj, niama svabodnych ŚMI".
"Razam z tym my zychodzim z taho, što palityčnaja kampanija, jakuju nazyvajuć vybarami, adbudziecca", — skazaŭ Kalakin.
"Padčas vybarčych kampanij ludzi aktyvizujucca, źjaŭlajucca dadatkovyja mahčymaści ŭ palityčnych subjektaŭ dla zajaŭ pra svaju pazicyju. Možna pavysić viadomaść svajoj arhanizacyi, pavysić uzrovień padtrymki svajoj arhanizacyi siarod nasielnictva", — adznačyŭ kiraŭnik partyi.
Jon ličyć, što proźviščy demakratyčnych kandydataŭ "pavinny zastacca ŭ biuleteniach i ŭ dzień hałasavańnia". "Treba dać ludziam alternatyvu, ale pry hetym my budziem tłumačyć, što vybaraŭ niama, i, chutčej za ŭsio, vaš hołas vykraduć. Ale
my dadzim vam alternatyvu zrabić pa sumleńni, a ŭžo sprava ŭłady vykraści hety hołas, padtasavać abo ŭsio astatniaje.Adnačasova my budziem kantralavać, jak budzie dziejničać ułada", — skazaŭ Kalakin.
Taksama jon ličyć važnym dać alternatyvu členam vybarčych kamisij. "Kali ŭsie demakratyčnyja kandydaty zdymucca, to ludzi ŭ vybarčych kamisijach nie buduć mieć alternatyvu, jak zrabić: ci z-za strachu, jak zaŭsiody, adchilicca i dać staršyniam kamisii mahčymaść falsifikavać, ci prajavić hramadzianskuju pazicyju i paličyć sumlenna", — zajaviŭ Kalakin.
Tamu, jak skazaŭ palityk,
"Spraviadlivy śviet" pakul nie padtrymlivaje zajavu ab tym, što ich kandydaty buduć zdymacca z vybaraŭ.
Što da asabistaha ŭdziełu ŭ vybarach u pałatu pradstaŭnikoŭ, to, pavodle słoŭ Siarhieja Kalakina, hetaje pytańnie ciapier abmiarkoŭvajecca, i rašeńnie pa im budzie pryniataje.