Urady Kazachstana i Rasii asudzili sankcyi suprać Biełarusi. Čarha za Nikarahua?
«Urady Respubliki Biełaruś, Respubliki Kazachstan i Rasijskaj Fiederacyi paćviardžajuć niedapuščalnaść vykarystańnia mier ekanamičnaha cisku abo prymušeńnia». Ab hetym havorycca ŭ sumiesnaj zajavie ŭradaŭ troch dziaržaŭ, tekst jakoj raźmieščany siońnia na aficyjnym sajcie biełaruskaha ŭrada.
«Dziejničajučy ŭ duchu ahulnaha padychodu, uzhodnienaha kiraŭnikami dziaržaŭ Respubliki Biełaruś, Respubliki Kazachstan i Rasijskaj Fiederacyi, a taksama z ulikam nieadnarazovych zajaŭ ZŠA i Jeŭrapiejskaha sajuza ab mahčymaści prymianieńnia ekanamičnych abmiežavańniaŭ da adnoj ź dziaržaŭ — členaŭ Mytnaha sajuza/Adzinaj ekanamičnaj prastory, urady Respubliki Biełaruś, Respubliki Kazachstan i Rasijskaj Fiederacyi paćviardžajuć niedapuščalnaść vykarystańnia mier ekanamičnaha nacisku abo prymušeńnia», — adznačajecca ŭ zajavie.
Takija miery stvarajuć štučnyja barjery ŭ handli, nieabhruntavanyja pieraškody ekanamičnamu ŭzajemadziejańniu subjektaŭ haspadarańnia na terytoryi Mytnaha sajuza/Adzinaj ekanamičnaj prastory, uščamlajuć zakonnyja intaresy ekanamičnaj biaśpieki dziaržaŭ, što źviazana z naniasieńniem uronu plonnamu ŭzajemavyhadnamu supracoŭnictvu, raźvićciu intehracyjnych pracesaŭ na jeŭrazijskim kantyniencie. Heta budzie mieć niehatyŭnyja vyniki, pierš za ŭsio dla prostych hramadzian.
Urady Respubliki Biełaruś, Respubliki Kazachstan i Rasijskaj Fiederacyi ćviorda pierakanany, što tolki raŭnapraŭny i pavažlivy dyjałoh budzie sadziejničać urehulavańniu mižnarodnych roznahałośsiaŭ, i vystupajuć za admovu ad lubych dziejańniaŭ, jakija pieraškadžajuć takomu dyjałohu».
Adnosna abmiežavalnych mieraŭ Rasspažyŭnahladu da biełaruskaha małaka, ukrainskaha syru, małdaŭskaha vina i hruzinskaha baržomi ŭ zajavie ničoha nie havorycca. Nastupnyja zajavy ŭ padtrymku źniavoleńnia palitviaźniaŭ u Biełarusi možna čakać ad Nikarahua i Siryi.