Łatvijcy pradali adsudžanuju ŭ biełarusaŭ naftu
Kampanija LatRosTrans, jakaja ŭvachodzić u kancern chołdynhu Ventspils nafta (VN), u śniežni 2011 hodu pradała vypampavany z naftapravodu Połack -- Vientśpiłs technałahičnuju naftu za 15 młn łataŭ.
"U śniežni minułaha hodua my pradali 40 tys. tonaŭ [bufiernaj nafty] za 15 młn. łataŭ, pakolki jana nie była aryštavanaja, i nam nie było zabaroniena rasparadžacca joju. Kab źnizić vydatki hetaha prajektu i skarystacca vielmi pryvabnym koštam, my jak dobryja haspadary vyrašyli zamianić hety aktyŭ hrašovaj sumaj, jakaja ciapier - na našym rachunku. U svaju čarhu, vydatki na prodaž, stvoranyja vypampoŭvańniem nafty z trubapravodu, ačystka i kansiervacyja trubapravodu, składajuć 8 młn. łataŭ ", - paviedamiŭ u apublikavanym u piatnicu intervju haziecie Dienas Bizness člen praŭleńnia LaRosTrans Ihar Ściapanaŭ.
Kamientujučy pryniataje Viarchoŭnym sudom Łatvii 7 sakavika rašeńnie, jakim častkova zadavolenaja prośba LatRosTrans admianić zabieśpiačeńnie isku ŭ sudovaj ciažbie ź biełaruskim pradpryjemstvam "Połacktransnafta Družba" ("Družba"), Ściapanaŭ adznačyŭ, što sud admianiŭ dla LatRosTrans zabaronu ažyćciaŭlać dziejańni z adpampoŭkaj i pieramiaščeńniem technałahičnaj nafty, ale jon dapuskaje, što niejkija abmiežavańni buduć. "Adnak niama nijakich abmiežavańniaŭ rasparadžacca trubapravodam i vyrašać, ci zastaniecca nafta tam, ci budzie pieramieščanaja ŭ inšaje miesca", - adznačyŭ jon.
Pavodle jaho słovaŭ, rašeńnie ab tym, što 40 tys. tonaŭ vypampavanaj nafty nie zakładzienyja, było pryniata jašče ŭ sakaviku 2011 hoda, kali sud adchiliŭ prośbu biełaruskaha pradpryjemstva aryštavać reziervuar, u jakim jana znachodziłasia. U biełaruskaha pradpryjemstva nie było pretenzij u suviazi z prodažam vypampavanaj nafty, skazaŭ Ściapanaŭ: "Jany niekalki razoŭ padčas sudovaha pracesu pakazali, što ŭ ich niama i nie budzie pretenzij z nahody hetaj nafty".
Jak užo paviedamlałasia, 7 sakavika Viarchoŭny sud (VS) Łatvii vyrašyŭ nie admianiać rašeńnie Daŭhaŭpiłskaha (Daugavpils) sudu ab zabieśpiačeńni isku na tyja 110 tys. tonaŭ technałahičnaj nafty, što znachodziacca ŭ łatvijskim učastku mahistralnaha trubapravodu Połack - Vientśpiłs.
Hetaja nafta była apisanaja ŭ suviazi z sudovaj ciažbaj pamiž biełaruskim pradpryjemstvam "Połacktransnafta Družba" ("Družba") i łatvijska-rasiejskim SP LatRosTrans.
U toj ža čas VS zadavoliŭ prośbu LatRosTrans admianić vopis 40,2 tys. tony nafty, vypampavanaj z trubapravodu.
Kampanija LatRosTrans (LRT) 25 listapada 2010 hodu pačała adpampoŭku ŭ reziervuar nafty, jakaja znachodzicca ŭ prynaležnym joj mahistralnym naftapravodzie Połack - Vientśpiłs, jaki pierasiakaje terytoryju Łatvii.
Daŭhaŭpiłski sud u suviazi ź iskam, padadzienym navapołackim pradpryjemstvam "Družba" da LRT ab pryznańni pravoŭ ułasnaści na technałahičnuju naftu, vyrašyŭ nakłaści zabaronu na vykarystańnie ruchomaj majomaści, u tym liku apisać technałahičnuju naftu, jakaja znachodzicca ŭ trubapravodzie Połack - Vientśpiłs, zabaranić kampanii LRT i źviazanym ź joju asobam adpampoŭvać naftu, a taksama zapatrabavaŭ zabiaśpiečyć isk 150 218 tonami bufiernaj nafty.
U śniežni minułaha hoda LRT abskardziła rašeńnie Daŭhaŭpiłskaha suda.
15 vieraśnia 2011 h. jon vyrašyŭ pieradać isk "Družby" ŭ Łathalski akruhovy sud, pakolki biełaruskaje pradpryjemstva źmianiła pradmiet pazovu.
9 śniežnia 2011 hoda Łathalski akruhovy sud całkam adchiliŭ pazoŭ "Družby" da LatRosTrans ab pryznańni majomasnych pravoŭ na technałahičnuju naftu, jakaja znachodzicca ŭ mahistralnym trubapravodzie, što prachodzić pa łatvijskaj terytoryi, ale hety prysud abskardžany i pakul nie ŭstupiŭ u siłu, paviedamlaje DELFI.