Maładafrontaŭcaŭ asudžajuć na rekordnyja terminy
Z ranicy ŭ Leninskim sudzie Minska prachodziać sudy nad aktyvistami «Maładoha frontu», jakich zatrymali 7 sakavika.
Pra heta paviedamiła namieśnik staršyni zarehistravanaj u Čechii arhanizacyi «Małady front» Nasta Pałažanka.
«Užo asudzili Dźmitryja Krymianieckaha, Michała Muskaha i Uładzimira Jaromienku.
Usim dali jašče pa 15 sutak administracyjnaha aryštu. Heta nie ŭličvajučy taho, što chłopcy užo adbyli na Akreścina pa 3 dni. Takim čynam, atrymlivajecca pa 18 dzion na kožnaha.Ramana Vasiljeŭ taksama atrymaŭ 15 sutak», — kaža Nasta Pałažanka.
Aktyvistaŭ sudziać za ŭdzieł u akcyi kala MZS, kali byŭ zakidany budynak ministerstva tualetnaj papieraj na znak pratestu suprać vysyłcy ź Biełarusi zamiežnych dyplamataŭ.
«Milicyjanty, jak zaŭsiody, dajuć chłuślivyja pakazańni. Vidavočna, što Dźmitryj Krymianiecki nie braŭ udzieł u akcyi, ale i jaho zasudzili. Ale najbolš składanaje stanovišča zaraz va Uładzia Jaromienki. Jamu paśla hetaha administracyjnaha aryštu pahražaje kryminalny nahlad» [Jaromienak byŭ palitviaźniem], — kaža Nasta Pałažanka.