Na samicie ES u Danii abmiarkoŭvajecca pierśpiektyŭnaść sankcyj da Biełarusi
U Kapienhahienie, stalicy Danii, jakaja staršyniuje ŭ Jeŭrapiejskim sajuzie, prachodzić niefarmalny dvuchdzionny samit ES u farmacie «Himnich». U sustrečy ŭdzielničajuć kiraŭniki źniešniepalityčnych viedamstvaŭ 27 krain Jeŭrasajuza.
U miežach pasiadžeńnia 11 sakavika płanujecca pravieści šyrokuju dyskusiju na temu vykarystańnia sankcyj u dačynieńni da Biełarusi, Irana i Siryi. Ministry abmiarkujuć pierśpiektyvy ŭpłyvu sankcyj na raźvićcio padziej u hetych krainach.
U farmacie «Himnich» aficyjna ŭzhodnienyja rašeńni nie vynosiacca. Adnak, jak adznačyŭ napiaredadni sustrečy ministr zamiežnych spraŭ Danii Vili Soŭndał, niefarmalnyja samity dajuć mahčymaść jeŭrapiejskim ministram zamiežnych spraŭ bolš padrabiazna abmiarkoŭvać aktualnyja i pierśpiektyŭnyja pytańni. «Ja spadziajusia, što na sustrečy my zmožam damovicca pa šerahu kankretnych inicyjatyŭ i pryjarytetaŭ u śfiery pravoŭ čałavieka ź inšymi krainami i rehijonami śvietu», — adznačyŭ kiraŭnik MZS Danii.