Łukašenka: Leki dla dziaciej da troch hadoŭ buduć biaspłatnymi
A invalidam 3-j hrupy budzie dadziena źnižka 50%.
Dzieci va ŭzroście da troch hadoŭ u Biełarusi buduć biaspłatna zabiaśpiečvacca lekavymi srodkami, jakija vydajucca pa receptach uračoŭ u miežach pieraliku asnoŭnych lekavych srodkaŭ, invalidy 3 hrupy — sa źnižkaj 50%. Takoje rašeńnie pryniaŭ 11 sakavika Alaksandr Łukašenka pa vynikach narady.
Tema zabieśpiačeńnia hramadzian lekavymi srodkami znachodziłasia ŭ centry ŭvahi Łukašenki na naradzie.
Jon nahadaŭ ab tym, što ŭ krainie pastaŭlena zadača da kanca 2015 hoda vyjści na 50% zabieśpiačeńnia nasielnictva lekami biełaruskaj vytvorčaści. «Niadobra, kali my dźvie treci i navat bolš lekaŭ zavozim
Alaksandr Łukašenka adznačyŭ, što dziaržavie niatanna abychodzicca jak vytvorčaść lakarstvaŭ, tak i ich impart.
«Što datyčycca naohuł zabieśpiačeńnia lekami, to ŭsie razumiejuć: heta vielmi navat nie tannaje mierapryjemstva. My siońnia, akramia vytvorčaści ŭłasnych lakarstvaŭ, što vielmi niatanna kaštuje, impartujem lekaŭ na paŭmiljarda dołaraŭ», — skazaŭ jon.
«Ale treba da hetaha dadać, što i ludzi ŭvohule ŭ nas pryvykli žyćniama inšych syravinnych resursaŭ, jakija Saviecki Sajuz moh pastavić za miažu i zakupić kolki chočaš lakarstvaŭ. Choć heta taksama było marnatraŭna, jak potym vyśvietliłasia. Ludzi ŭ nas zdaroŭje nie pryvykli canić, tamu što jano biaspłatnaje, — ličyć Łukašenka. — Tak, leki kaštujuć peŭnuju canu,pa-saviecku , zabyvajuć ab tym, što ŭ nas užo nie taja kraina i ŭ nas siońnia niama vuhlevadarodnaj syraviny,
ale lečym my ludziej u bolšaści svajoj biaspłatna».
Alaksandr Łukašenka dadaŭ, što ŭ krainie stvorany ŭsie ŭmovy dla taho, kab ludzi padtrymlivali svajo zdaroŭje.
Pa vynikach narady Łukašenka pryniaŭ rašeńnie pradastavić prava na biaspłatnaje zabieśpiačeńnie dziaciej va ŭzroście da troch hadoŭ lekavymi srodkami, jakija vydajucca pa receptach uračoŭ u miežach pieraliku asnoŭnych lekavych srodkaŭ. Heta 402 nazvy. Takoje rašeńnie daść mahčymaść značna padtrymać siemji, jakija vychoŭvajuć dziaciej.
Jak ličyć Marjana Ščotkina,
Akramia taho, na razhlad Łukašenki vynieśli prapanovu ab pradastaŭleńni invalidam 3 hrupy źnižki na leki ŭ pamiery 30%.Na siońniašni dzień invalidy 1 i 2 hrupy majuć źnižku 90% na nabyćcio lekaŭ.
Adnak Łukašenka pryniaŭ rašeńnie ab pavieličeńni da 50% źnižki invalidam 3 hrupy na lakarstvy pa pieraliku asnoŭnych lekavych srodkaŭ dla lačeńnia zachvorvańnia, jakoje pryviało da invalidnaści.