Biełaruś — 4-ja ŭ bijatłonie

Čempijanat śvietu zavieršany, Biełaruś viartajecca z dvuma miedalami.

Darja Domračava.

Darja Domračava finišavała 5-j u mas-starcie na 12,5 km na čempijanacie śvietu pa bijatłonie, što siońnia zavieršyŭsia ŭ bavarskim Rupoldynhu.

Darja siońnia dapuściła piać promachaŭ (1+0+2+2).

Vyjhrała honku narviežka Tora Bierhier z vynikam 35 chvilin 41,6 siekundy, francužanka Mary Łor-Brune — 2-ja (+8,1), Kajsa Miakiarjajnien (Finlandyja) — zavajavała bronzu (+12,7).

Domračava sastupiła Bierhier 55,6 siekundy.

Darja, nahadajem, zavajavała 3 sakavika srebra ŭ spryncie, a 4 sakavika vyjhrała zołata ŭ pahoni (honka pieraśledu) — heta ŭsie biełaruskija miedali na čempijanacie śvietu.

* * *

Miedali (pa kolkaści załatych): Narviehija — 6 miedaloŭ (4+1+1), Francyja — 8 (3+5+0), Hiermanija — 5 (2+1+2), Biełaruś — 2 (1+1+0), Słavienija — 2 (1+1+0), Šviecyja — 5 (0+3+2), Rasija — 2 (0+0+2), Ukrajina — 1 (0+0+1), Čechija — 1 (0+0+1), Finlandyja — 1 (0+0+1).

Siońnia prajšoŭ taksama mas-start u mužčyn, jaki vyjhraŭ francuz Marten Furkad (pryčym jon uziaŭ try zołata na ČS-2012). Biełarus Siarhiej Novikaŭ finišavaŭ 27-m.

Z 16 pa 18 sakavika ŭ rasijskim Chanty-Mansijsku projdzie apošni etap Kubka śvietu pa bijatłonie. Projdzie sprynt, pahonia i mas-start.

Darja Domračava i Mahdalena Nojnier vyduć zmahańnie za Vialiki kryštalovy hłobus. U Mahdaleny zaraz 1093 bały, u Darji — 1061.

Kamientary da artykuła