U Miry zahinuŭ 19-hadovy kiroŭca — aŭto na pramym učastku darohi źniesła płot i słup + fota
Małady čałaviek atrymaŭ paśviedčańnie kiroŭcy mienš za hod tamu i ŭžo mieŭ spahnańni za pieravyšeńnie chutkaści.
Trahiedyja zdaryłasia 8 sakavika ŭ miastečku Mir na vulicy Tankistaŭ. Voś jak zdareńnie apisvaje sajt DAI Hrodzienskaj vobłaści.
«19-hadovy haspadar «Sitraena» na pramym haryzantalnym učastku darohi nie daŭ rady kiravańniu. Aŭtamašyna zaskočyła na pravy pa chodzie ruchu chodnik, paśla čaho źniesła draŭlany płot dvuch damoŭ i elektraaporu».
Pavodle DAI, kiroŭca byŭ žycharom stalicy, ad atrymanych traŭmaŭ zahinuŭ na miescy zdareńnia.
Vadzicielskaje paśviedčańnie jon atrymaŭ mienš za hod tamu, a ŭžo praz dva tydni byŭ pryciahnuty da administracyjnaj adkaznaści za pieravyšeńnie chutkasnaha režymu bolš čym na 20 km/h.