Paŭkiłahramovy mietearyt prabiŭ dach doma ŭ Osła
Zaraz uładalniki mohuć zarabić na im 400 tysiač jeŭra.
Na žyły dom na ŭskrainie Osła zvaliŭsia mietearyt vahoj bolš za paŭkiłahrama.
Kamień vahoj 585 h pavaliŭsia na pustuju zaharadnuju chatu, jakaja naležyć pažyłoj pary Tomasen. Muž i žonka daviedalisia pra heta, kali pryjechali tudy ŭ minułyja vychodnyja. Spačatku jany zaŭvažyli nievialikuju dzirku ŭ dachu, a zatym znajšli i abłomki kamienia: 1 lažaŭ pobač z domam, inšy zastrahnuŭ u stoli. Abyšłosia biez paciarpiełych.
Navukoŭcy z univiersiteta Osła, jakija i vyśvietlili, što ŭjaŭlaje saboj znachodka, miarkujuć, što kamień moh adkałocca ad mietearyta, jaki pralacieŭ nad Narviehijaj i šeraham inšych jeŭrapiejskich krain 1 sakavika. Znachodku navukoŭcy nazyvajuć vialikim pośpiecham.
Niečakany hość moža ź liškam akupić vydatki na ramont. Bo pry žadańni, uładalniki doma zmohuć vyhadna pradać mietearyt. Zychodziačy z vahi, kamień moža kaštavać da 400 tys. jeŭra.
Haspadary ŭžo vykazali žadańnie, kab kamień zastaŭsia ŭ rodnaj Narviehii.