«Jandeks» adkryŭ novy ofis u Biełarusi

Najbujniejšaja rasijskaja internet-kampanija «Jandeks» adkryła novy ofis u Minsku.

Jak paviedamili ŭ pres-słužbie «Jandeksa», ciapier u biełaruskaj kamandzie pracujuć 19 čałaviek. Heta prahramisty i mieniedžary, jakija zajmajucca ŭ asnoŭnym pošukam i kartami. Kiruje ofisam Alaksiej Sikorski.

Najbujniejšy rasijski pošukavy internet-partał «Jandeks» adkryŭ partał dla Biełarusi — yandex.by — u krasaviku 2010 hoda. Pavodle źviestak ahienctva Gemius, u sakaviku 2011 hoda aŭdytoryja partała skłała 1,8 młn. karystalnikaŭ — na toj momant heta było 50% usioj aŭdytoryi bajneta.

12 maja 2011 hoda na servisie «Jandeks. Karty» źjavilisia panaramy Minska.

U Biełarusi raźmiaščeńniem rekłamy na «Jandeksie» zajmajucca bolš čym 30 rekłamnych ahienctvaŭ — partnioraŭ rasijskaj kampanii.

U rekłamnuju sietku «Jandeksa» (RSIA) uvachodzić bolš čym 250 sajtaŭ u zonie by. U mai 2010 hoda «Jandeks» adkryŭ u Biełarusi Centr absłuhoŭvańnia partnioraŭ, praź jaki biełaruskija sajty mohuć dałučycca da RSIA i atrymlivać uznaharodu ŭ biełaruskich rublach.

Kamientary da artykuła