Žycharka Homiela dobraachvotna vydała KDB revalvier, dva abrezy i 100 patronaŭ
Revalvier sistemy nahan, abrezy dźviuch palaŭničych strelbaŭ, bolš za sto patronaŭ roznaha kalibru da hładkastvolnaj i naraznoj ahniastrelnaj zbroi vydała supracoŭnikam upraŭleńnia KDB žycharka Homiela. Pavodle słoŭ žančyny, hety arsienał jana znajšła, raźbirajučy staryja rečy ŭ kvatery svaich baćkoŭ-niabožčykaŭ.
Jak paviedamili BiełaPAN u pres-hrupie UKDB pa Homielskaj vobłaści, pa hetym fakcie pravodzicca pravierka, zbroja i bojeprypasy adpraŭleny na ekśpiertyzu.
U pres-hrupie adznačyli, što dziejańni hamialčanki źjaŭlajucca prykładam pavodzin u takich situacyjach: u adpaviednaści z zakonam, hramadzianie, jakija dobraachvotna vydali zbroju i bojeprypasy, vyzvalajucca ad kryminalnaj adkaznaści. U advarotnym vypadku za niezakonnyja dziejańni (u tym liku zachoŭvańnie) ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ praduhledžana kryminalnaja adkaznaść, maksimalnaje pakarańnie praduhledžvaje da 12 hadoŭ pazbaŭleńnia voli.
Čytajcie taksama:
Kamientary da artykuła