Palitviazień Łobaŭ: nastroj badziory
Z doŭnaterminovaha spatkańnia z synam viarnułasia Maryna Łobava.
Pa jaje słovach, Eduard «adčuvaje siabie narmalna, zdarovy i nie chvareŭ. Nastroj badziory, chacia jamu jašče doŭha siadzieć. I na daterminovaje vyzvaleńnie nadziei nie maje.
Maryna adznačyła, što syn pa-raniejšamu nie maje pracy: kałonija nie raźličana na takuju kolkaść viaźniaŭ, a tamu pastajanna pracuje tolki adzin atrad. A Eduard raz na miesiac siače drovy na patreby kałonii.
Eduard Łobaŭ byŭ zatrymany razam sa Źmitrom Daškievičam 18 śniežnia 2010. Asudžany na čatyry hady za chulihanstva: pa viersii śledstva maładyja ludzi pačali bojku ź minakami.
Śviedčyli ž suprać Łobava paciarpiełyja, jakija ŭ svaje prykładna 30 hadoŭ nidzie nikoli (!) nie pracavali. U sudzie jany tak i nie pakazalisia.
Pravaabaroncy vykazali mierkavańnie, što dvoje «paciarpiełych» — heta tak zvanyja «cichušniki», asoby, zavierbanyja dla pravakacyj. U taki stan časta traplajuć dekłasavanyja elemienty, zaležnyja ad ałkaholu.
Palitviaźniu možna napisać list:
225295, Bresckaja vobł., h. Ivacevičy, «Voŭčyja nory», a/s 20, PK № 22.