«U nas zahudzieli dyk zahudzieli. Kali možna adzin dzień, dyk jany hudzieli paŭtydnia»

Michaił Zacharaŭ nie vyklučyŭ sychodu z «Junactva» i abvinavaciŭ niekatorych chakieistaŭ u pjanstvie.

Hałoŭny trenier chakiejnaha kłuba «Junactva» (Minsk) Michaił Zacharaŭ ličyć zakanamiernym paražeńnie ad salihorskaha «Šachciora» ŭ čverćfinalnaj sieryi płej-of adkrytaha čempijanatu Biełarusi.

«Treba pavinšavać „Šachcior“, jon zasłužana pieramoh, tut navat havaryć niama pra što, — zaznačyŭ Zacharaŭ 12 sakavika na pres-kanfierencyi paśla zakančeńnia piataj sustrečy. — „Šachcior“ zachavaŭ skład, heta zasłuha treniera, u jakoha nie syšli 15 chakieistaŭ. Było b navat niedzie niapravilna, kali b my vyjhrali. Jość prymaŭka: treba pracavać letam, kab da finału być hatovym. Vy zapytajcie ŭ inšych kłubaŭ, ci dali im spartyŭnuju formu. Usim dali. A „Junactvu“, aprača krasovak i trusoŭ, ničoha nie dali. Zbor my pravodzili tut, nikudy nie vyjazdžali, kryzis byŭ. Kryzis byŭ tolki ŭ našaj kamandzie. U tym ža Salihorsku pa vosiem pačali płacić, a ŭ nas pa try (napeŭna, razmova idzie pra kurs dołara, pa jakim vypłačvajecca zarpłata). Chłopcy ž telefanujuć pa kłubach.

Usiudy kryzisu niama, a tut — kryzis. Ja ździŭlajusia, što jany jašče adbilisia, na žyłach zmahalisia. Usio, što było ŭ chakieistaŭ, jany ŭsio vyciskali».

Niaźmienny trenier «Junactva» zaznačyŭ, što i ź ciapierašniaha składu kamandy mnohija chakieisty mohuć pajści ŭ mižsiezonnaść. «Čałaviek dziesiać pojduć znoŭ. Pojduć, ubačycie. My možam tolki paspračacca, kolki pojdzie. Ci mahu ja ŭvajści ŭ lik hetych dziesiaci? Pažyviem — pabačym».

Razam z tym Zacharaŭ nie pahadziŭsia sa śćviardžeńniem, što siezon dla «Junactva» atrymaŭsia niaŭdałym. «Narmalny siezon. Piatnaccać chakieistaŭ syšli, ja ž skazaŭ. My z hetym dziciačym sadkom umudrylisia na Kantynientalnym kubku dastojna vystupić (druhoje miesca). Umudrylisia jašče ŭ finał Kubka Biełarusi trapić.

Mienš by pjanak było b u niekatorych chakieistaŭ našych, ja ŭpeŭnieny, my b jašče i tam… A to ŭ nas zahudzieli dyk zahudzieli. Kali možna adzin dzień, dyk jany hudzieli paŭtydnia. Zadzialenava tolki da čaćviarha ci da piatnicy my «adkapali»…

Jon raźviejaŭ čutki pra mahčymaje viartańnie ŭ nacyjanalnuju zbornuju Biełarusi ŭ jakaści asistenta hałoŭnaha treniera Kary Chiejkila.

«Zabudźcie pra mianie. Ja tudy naohuł nie rvusia. Navat kali daduć zaprašeńnie, ja, chutčej za ŭsio, admoŭlusia. Voś tak. Kab vy supakoilisia ŭsie.

Kamientary da artykuła