Nacyjanalisty z Łatvii: sankcyi ES suprać Biełarusi nie dasiahnuć pastaŭlenych metaŭ

Łatyšskaje nacyjanalnaje abjadnańnie Visu Latvijai! — TB/DNNŁ ličyć, što sankcyi suprać Biełarusi, jakija źbirajecca ŭvieści Jeŭrasajuz, mohuć nanieści vialikuju škodu Łatvii.

Akramia taho, hetyja sankcyi nie dasiahnuć pastaŭlenych metaŭ, upeŭnienyja ŭ nacabjadnańni, pieradaje Newsbalt.ru.

«Niedemakratyčnaje kiravańnie dziaržavaj nielha apraŭdać, ale ŭ vypadku ź Biełaruśsiu naŭrad ci demakratyi spryjaje prymusovaje nabližeńnie dziaržavy da pucinskaj Rasii, jakoje stanie nastupstvam ŭviadzieńnia sankcyj», — kaža pres-sakratar partyi Ijeva Linie.

Sankcyi surjozna paškodziać ekanomicy Łatvii, bo Biełaruś dla jaje źjaŭlajecca druhim najbujniejšym partnioram pa-za miežami Jeŭrasajuza, upeŭnienyja ŭ nacabjadnańni. Heta ŭ najbolšaj miery zakranie tranzit, party Łatvii, ekspart i ŭsich pradprymalnikaŭ, jakija vykarystoŭvajuć biełaruskuju syravinu ŭ vytvorčaści.

Abjadnańnie zaklikaje prem'jer-ministra Łatvii Vałdzisa Dambroŭskisa znajści rašeńnie dla taho, kab płanavanyja sankcyi nie byli ŭžytyja ŭ dačynieńni da Biełarusi.

Kamientary da artykuła