Z ofisa Partyi BNF skrali bieł-čyrvona-bieły ściah
Pavodle infarmacyi supracoŭnicy partyjnaha ofisa, incydent adbyŭsia napiaredadni 8 sakavika. Ściah nie byŭ vyviešany na vulicy, a stajaŭ u kucie pamiaškańnia, kala ŭvachodnych dźviarej.
Niezadoŭha da zdareńnia adzin z naviednikaŭ cikaviŭsia ŭ supracoŭnic ofisa, dzie možna nabyć
Na dumku siabra sojma Partyi BNF Siarhieja Siemieniuka, mahło być dva matyvy vykradańnia ściaha. «Pieršy — heta ŭzrosłaja papularnaść biełaruskaj nacyjanalnaj simvoliki, druhi — toje, što biełaruskaja nacyjanalnaja simvolika ŭ niekatorych aficyjnych struktur vyklikaje isteryku. Heta, darečy, my bačym na prykładzie viciebskaha aktyvista KCHP — BNF Siarhieja Kavalenki, jaki byŭ prysudžany da turemnaha źniavoleńnia za vyviešvańnie nacyjanalnaha ściaha», — adznačyŭ palityk.
Pradstaŭniki partyi, pa jaho słovach, nie źviartalisia ŭ milicyju, bo ŭ finansavym płanie strata małavažnaja. Zamiest skradzienaha ściaha ŭžo vyviešany novy.