Rezalucyja Sumara na cyrkulary ab «niedapuščeńni biełarusizacyi»: «Dla arhanizacyi vykanańnia»
Zhodna ź joj, cyrkular pavinien być razasłany ŭ rajony.
U «Našu Nivu» trapiŭ cyrkular, spuščany z Administracyi prezidenta pa viertykali.
Heta zahad čynoŭnikam nie dapuskać biełarusifikacyi i skaračeńnia ŭžyvańnia ruskaj movy/
Dakumient datavany 2 sakavika.
Siońnia my atrymali mahčymaść apublikavać jašče i rezalucyju staršyni Bresckaha abłvykankama Kanstancina Sumara. Zhodna ź joj, cyrkular pavinien być razasłany ŭ rajony: «Dla arhanizacyi vykanańnia i daviadzieńnia da viedama zacikaŭlenych».
U siońniašnich umovach heta aznačaje ŭzmacnieńnie rusifikacyi i rekamiendacyju nie ŭžyvać nacyjanalnuju movu. Imavierna, łukašenkaŭcy bajacca rostu nacyjanalnaj śviadomaści biełarusaŭ.