Jeŭrapiejskija pasły na nastupnym tydni viernucca ŭ Minsk?
Ketryn Eštan spadziajecca na prahres u adnosinach ź Biełaruśsiu.
Viarchoŭny kamisar ES Ketryn Eštan miarkuje, što pasły pavinny nie paźniej, jak u siamidzionny termin, viarnucca nazad u Biełaruś. Pra heta havaryłasia ŭ Bruseli padčas narady pa źniešniaj palitycy ES z udziełam Ketryn Eštan, paviedamlajuć niamieckija ŚMI sa spasyłkaj na AFP.
Čakajecca, što nastupny tydzień stanie tydniem sucelnych pieralotaŭ ambasadaraŭ ES. Akramia viartańnia adnych jeŭrapiejskich dypłamataŭ u Biełaruś, inšym, naadvarot, naležyć ciaham tydnia pakinuć Siryju, da taho, jak u Bruseli adbudziecca sustreča kiraŭnikoŭ MZS Sajuza.
Sustreča ministraŭ zamiežnych spravaŭ ES pryznačanaja na 22–23 sakavika, paviedamlaje Radyjo Svaboda.
Nahadajem, što 27 lutaha biełaruskaje MZS zaklikała pasłoŭ Polščy i ES u Minsku pakinuć terytoryju Biełarusi dla kansultacyj. Heta byŭ adkaz biełaruskaha boku na pašyreńnie sankcyjaj ES u dačynieńni da režymu ŭ Minsku.
Jeŭrasajuz adreahavaŭ 28 lutaha na zhadany krok adklikańniem na kansultacyi ŭsich svaich pasłoŭ ź Biełarusi.
23 sakavika Saviet ministraŭ ES moža pryniać novyja sankcyi ŭ dačynieńni da łukašenkaŭcaŭ.Havorka idzie pra sankcyi suprać fizičnych i jurydyčnych asob, adkaznych za parušeńni pravoŭ čałavieka i represii ŭ dačynieńni da apazicyi i hramadzianskaj supolnaści, a taksama suprać tych, chto «padtrymlivajuć ci źjaŭlajucca bienieficyjarami režymu Łukašenki».
15 sakavika ŭ MZS Biełarusi zajavili: pytańnie ab viartańni pasłoŭ biełaruskija ŭłady płanujuć razhladać paśla 23 sakavika. Kamientujučy žurnalistam infarmacyju ab tym, što ES nibyta hatovy pryniać rašeńnie ab viartańni svaich pasłoŭ u Minsk, namieśnik načalnika ŭpraŭleńnia infarmacyi — načalnik adździeła
«U nas niama takoj infarmacyi. Adnak, razvažajučy razumna, ab jakim viartańni jeŭrapiejskich pasłoŭ siońnia moža iści havorka, kali sam Jeŭrasajuz nie stamlajecca pahražać nam uviadzieńniem novych sankcyj 23 sakavika? Davajcie spačatku dačakajemsia hetaj daty, a ŭžo potym my budziem vyznačacca, u tym liku i adnosna viartańnia pasłoŭ»,— paviedamlaje BiełaPAN.