Trajnoje zabojstva biełarusaŭ-hastarbajtaraŭ u Padmaskoŭi

žorstkija padrabiaznaści

U Padmaskoŭi šaściora biełarusaŭ-hastarbajtaraŭ zarezali troch ziemlakoŭ, adnaho -- navat rasčlanili.

U Arechava-Zujeŭskim rajonie Maskoŭskaj vobłaści rasśledujecca trojnaje zabojstva biełarusaŭ. Achviarami złačyncaŭ stali troje hramadzian Biełarusi, adnaho ź jakich jany paśpieli račlanić. Paciarpiełyja i mierkavanyja zabojcy byli kalehami, pracavali ŭ kampanii «Rasijskija čyhunki». Da raspravy pryviała pjanaja svarka pamiž imi.

Cieły zahinułych znojdzieny na ŭskrainie horada Kuroŭski na terytoryi asobnaj ruchomaj mabilnaj stancyi 103 AAT «RŽD».

Jak rastłumačyli ŭ palicyi, na ciełach dvuch zahinułych rabočych čyhunačnaha pradpryjemstvy byli bačnyja ślady nažavych ranieńniaŭ, a pobač znachodziłasia adrezanaja hałava nieviadomaha. Nieŭzabavie palicyjanty zatrymali šaściarych rabočych stancyi, piaciora ź jakich taksama źjaŭlajucca hramadzianami Biełarusi.

Jak akazałasia, hastarbajtary raspravilisia sa svaimi suajčyńnikami padčas svarki, što ŭźnikła padčas raśpićcia śpirtnych napojaŭ.

Kamientary da artykuła