Coca-Cola pakul nie płanuje mianiać dla biełarusaŭ «skandalny» farbavalnik

Coca-Cola nie płanuje mianiać dla biełarusaŭ «skandalny» karamielny farbavalnik, jaki źmiaščajecca ŭ napojach kampanii.

Pra heta paviedamili ŭ ZP «Koka-Koła Bieŭrydžyz Biełaruś».

Zhodna z pazicyjaj navukoŭcaŭ z Centra pa vykarystańni dasiahnieńniaŭ navuki ŭ intaresach hramadstva (CSPI), farbavalnik, jaki źmiaščaje 4-mietylimidazoł (4-MI) moža pravakavać ankałahičnyja zachvorvańni. Pryniaty ŭ Kalifornii zakon praduhledžvaje, što pradukty, jakija źmiaščajuć bolš za 29 mikrahramaŭ hetaha rečyva, pavinny ŭtrymlivać markiroŭku pra pahrozu raku. U vyniku abiedźvie kampanii vyrašyli źmianić receptury pryhatavańnia napojaŭ dla žycharoŭ Kalifornii.

Novaŭviadzieńni pakul čakajuć tolki žycharoŭ Kalifornii, ale ŭ dalejšym mohuć raspaŭsiudzicca na ŭsiu terytoryju ZŠA.

Dla žycharoŭ jeŭrapiejskich krain, u tym liku i dla Biełarusi, źmianiać receptury pakul nie płanujuć, bo ličać karamielny farbavalnik biaśpiečnym.

«Najbujniejšyja suśvietnyja arhanizacyi pa charčovaj biaśpiecy i achovie zdaroŭja paćviardžajuć, što karamielny farbavalnik, jaki źmiaščaje niaznačnyja kolkaści 4-mietylimidazoła, źjaŭlajecca biasškodnym dla vykarystańnia ŭ napojach typu „koła“ i ŭsich inšych charčovych praduktach», — adznačyli ŭ biełaruskaj «dačce» TNK. Tak, aficyjna ŭchvaliła karamiel u jakaści charčovaha farbavalnika Amierykanskaje ŭpraŭleńnie pa kantroli jakaści charčovych praduktaŭ i lekavych srodkaŭ (FDA), jakoje skieptyčna pastaviłasia da rašeńnia štata Kalifornii.

«Pazicyja štata nie paćvierdžanaja navukovymi dadzienymi, i ryzyki dla hramadskaha zdaroŭja, jakaja b apraŭdvała papieradžalnuju markiroŭku našaj pradukcyi, niama, — ličać u kampanii.

Što cikava, vykarystańnie novaha vidu karamieli, jak padkreślili ŭ biełaruskaj «dačce», nie ŭpłyvaje na smak i koler napoju Coca-Cola. Heta značyć, pry žadańni vytvorca napojaŭ moža biez škody jakaści pamienšyć uzrovień utrymańnia 4-mietylimidazoła dla biełaruskich, jak i dla ŭsich jeŭrapiejskich, spažyŭcoŭ.

Kamientary da artykuła