«Biełšyna» i «Słavija» dapuščanyja da čempijanatu pa futbole
Rašeńnie ab vydačy licenzij było pryniata 15 sakavika na pasiadžeńni Futbolnaha arbitražu, jaki razhledzieŭ apielacyi hetych futbolnych kłubaŭ na rašeńnie Licenzijnaha kamiteta ad 5 sakavika 2012 hoda ab admovie ŭ vydačy licenzij na ŭdzieł u čempijanacie Respubliki Biełaruś pa futbołu siarod kamand vyšejšaj lihi ŭ siezonie 2012 hoda. Z ulikam pradstaŭlenych futbolnymi kłubami dakumientaŭ, jakija paćviardžajuć vykanańnie finansavych kryteryjaŭ sistemy licenzavańnia, Futbolny arbitraž pryniaŭ rašeńnie ab vydačy licenzij.
Takim čynam, usie adzinaccać kłubaŭ, jakija padali zajavy na vydaču licenzij, paśpiachova prajšli praceduru licenzavańnia.Nahadajem, što futbolny kłub "Partyzan" (Minsk) admoviŭsia ad prachodžańnia pracedury licenzavańnia ŭ suviazi ź finansavymi prablemami i nie budzie hulać u vyšejšym dyvizijonie.
22-i futbolny čempijanat Biełarusi startuje 24 sakavika.