Dzień Voli ŭ Mahilovie

Pradstaŭniki demakratyčnych arhanizacyj Mahilova praviali viečarynu, pryśviečanuju 94-j hadavinie abviaščeńnia niezaležnaści Biełaruskaj Narodnaj Respubliki.

Ad tradycyjnaha sumiesnaha ŭskładańnia kvietak da budynka Mahiloŭskaha abłasnoha krajaznaŭčaha muzieja, dzie ŭ 1918 hodzie miascovy Biełaruski kamitet pryznaŭ uładu Rady BNR, pradstaŭniki apazicyi admovilisia. Mierkavałasia, što aktyvisty roznych arhanizacyj samastojna ŭ zručny dla ich čas uskładuć da muzieja kvietki, ale hetaha nie adbyłosia.

Prykładna ŭ 16.00 u pryvatnym domie pa vulicy Čkałava sabrałasia kala 50 čałaviek na viečar «Biełarusy Mahilova — pieršy krok u palityku», pryśviečany Dniu Voli.

Na viečary vystupiŭ mahiloŭski bard Ihar Muchin-Rabianok, žadajučyja mahli pračytać svaje vieršy i ŭziać udzieł u viktarynie, pytańni jakoj datyčylisia historyi BNR.

Prykładna ŭ 18.00 viečar zaviaršyŭsia. Siarod jaho arhanizataraŭ byli pradstaŭniki hramadskich abjadnańniaŭ «Tavarystva biełaruskaj movy», «Moładź BNF», arhkamiteta pa stvareńni partyi «Biełaruskaja chryścijanskaja demakratyja».

Kamientary da artykuła