Na Minščynie padoŭžana na 2012 hod zabarona na prodaž «čarniła»

Zabarona na prodaž pładova-jahadnych vinaŭ u Minskaj vobłaści praciahnuli na 2012 hod, paviedamili ŭ Minabłvykankamie.

Spačatku antyałkaholny ekśpierymient startavaŭ u Słuckim rajonie. «Čarniła» tut pierastali pradavać z červienia 2011 hoda. Navat niepraciahły čas dziejańnia zabarony dazvoliła vypravić niehatyŭnuju situacyju i damahčysia źmianšeńnia kolkaści «pjanych» złačynstvaŭ, skaraciłasia kolkaść faktaŭ vypadkovaha atručeńnia ałkaholem. Zatym da kanca hoda abmiežavańni na realizacyju pładova-jahadnych vinaŭ ŭviali i inšyja rajony, u pryvatnaści Biarezinski, Łahojski, Lubanski, Salihorski, Staradarožski, Krupski, u horadzie Žodzina.

«Uličvajučy stanoŭčyja tendencyi, u rajonach pryniali rašeńnie padoŭžyć dziejańnie zabaronaŭ na peŭny pieryjad 2012 hoda», — adznačyli ŭ Minabłvykankamie.

U 2011 hodzie ŭ staličnym rehijonie ŭ paraŭnańni z 2010-m nazirałasia źnižeńnie złačynstvaŭ, učynienych u stanie ałkaholnaha apjanieńnia, z 5 tys. 645 da 5 tys. 89.

Pjanymi ździejśniena 38,2% kryminalnych pravaparušeńniaŭ (u 2010 hodzie — 38,8%).

Najbolšaja ŭdzielnaja vaha takich złačynstvaŭ adznačajecca ŭ Niaśvižskim (48,4%), Vilejskim (46,6%), Kapylskim (46,1%) rajonach i Žodzinie (45,5%).

Prablema pjanstva i ałkahalizacyi nasielnictva aktualnaja dla vobłaści. U suviazi z hetym pravodziacca rejdavyja mierapryjemstvy, robiacca zachady pa abmiežavańni času realizacyi śpirtnoha, izalacyi asob, jakija ŭžyvajuć śpirtnoje, u lačebna-pracoŭnyja prafiłaktoryi. Ahulnaja kolkaść jakija znachodziacca na narkałahičnym ŭliku pa vobłaści na 1 studzienia 2012 hoda składaje kala 47,9 tys. čałaviek.

Pravodziacca kompleksnyja apieratyŭna-prafiłaktyčnyja mierapryjemstvy pa papiaredžańni i spynieńniu faktaŭ vyrabu mocnych śpirtnych napojaŭ chatniaj vypracoŭki. U 2011 hodzie vyjaŭlena bolš za 3,4 tys. parušeńniaŭ u śfiery niezakonnaha abarotu ałkaholnaj pradukcyi, kanfiskavana 9,5 tys. ł samahonu, 42,8 tys. ł śpirtu i inšych falsifikavanych śpirtnych napojaŭ, źniščana 198,7 tys. ł samahonnaj brahi.

Razam z tym pavieličeńnie kolkaści žycharoŭ, jakija pamierli ad vypadkovaha atručeńnia ałkaholem (z 364 u 2010 hodzie da 382 u 2011-m) śviedčyć, što ŭ niekatorych rehijonach dadzienaj prablemie nie nadajecca naležnaj uvahi. Z

načna pahoršyłasia stanovišča ŭ Salihorskim rajonie, dzie kolkaść zahinuŭšych uzrasła bolš čym u 3 razy,

Kamientary da artykuła