Staršynia KDB asabista sustrakaŭ Darju Domračavu ŭ aeraporcie
Žanočaja zbornaja Biełarusi pa bijatłonie viarnułasia ŭ Minsk.
25 sakavika ŭ 23.21 rejsam ź Vieny žanočaja zbornaja Biełarusi pa bijatłonie viarnułasia ŭ Minsk.
U nacyjanalnym aeraporcie kamandu sustrakała prykładna sotnia balelščykaŭ, a taksama aficyjnyja asoby — staršynia biełaruskaj fiederacyi bijatłona, jon ža kiraŭnik KDB Vadzim Zajcaŭ i pamočnik prezidenta pa pytańniach fizičnaj kultury, sportu i raźvićcia turyzmu Ihar Zaičkaŭ.
«Daša Domračava 16 razoŭ padnimałasia na pjedestał, stała ŭładalnicaj dvuch Małych chrustalnych hłobusaŭ. Ale asabliva chočacca pavinšavać Dašu z zavajavańniem tytuła čempijonki śvietu. Taksama nielha nie adznačyć kamandnaje sierabro na šostym etapie Kubka śvietu ŭ Italii. I my ŭpeŭnienyja, što nastupny siezon budzie jašče bolš paśpiachovym. Z sychodam Nojnier — Daša najlepšaja, viadučaja bijatłanistka śvietu. I ja viedaju, što jana budzie najlepšaj. Chaču vykazać padziaku mamie Dašy, za toje, što jana vychavała sapraŭdnaha patryjota biełaruskaj dziaržavy», — skazaŭ Zajcaŭ.
Padčas sustrečy sa svaimi prychilnikami ŭ aeraporcie Domračava adznačyła: «Na samaj spravie ciapier ciažka prydumać niejkija patrebnyja słovy, emocyi prosta pierapaŭniajuć. Chočacca vykazać padziaku vam, balelščyki, za vašy emocyi, za vašy ŭśmieški, jakija my adčuvali za miažoj, abaraniajučy honar našaj krainy. Vielmi pryjemna razumieć, što tvaje pieramohi śviatkuje ŭsia kraina».
Nahadajem, Domračava ŭ zaviaršalnym siezonie stała druhoj (paśla niemki Mahdaleny Nojnier, jakaja paviedamiła pra zaviaršeńnie spartyŭnaj karjery) u ahulnym zaliku Kubka śvietu, vyjhrała dva Małyja chrustalnyja hłobusy (honcy pieraśledu i
Videa BiełTA