Siarhieja Kavalenku etapavali ŭ varjatniu na «Vićbu-3»
Pra heta 26 sakavika ŭ administracyi «Vaładarki» paviedamili maci haładoŭnika i namieśniku staršyni partyi KCHP-BNF Jurasiu Bieleńkamu.
«Nam skazali, što ŭ ich niama inšaha vyjścia, kab vyvieści jaho z haładoŭki, akramia nakiravańnia ŭ taki špital, kab paśla na padstavie peŭnaha dyjahnazu ŭžyć mietady prymusovaha charčavańnia. Kłaści Siarhieja ŭ cyvilny špital milicyjanty admovilisia, chacia my nastojvali mienavita na takim varyjancie», — skazaŭ Juraś Bieleńki.
Siarhiej Kavalenka haładaje ź pierapynkam ź siaredziny śniežnia minułaha hoda. Aktyvist damahajecca admieny prysudu ŭ 2 hady i miesiac za parušeńnie chatniaj «chimii», jaki jon atrymaŭ za vyviešvańnie bieł-čyrvona-biełaha ściaha na navahodniaj jołcy ŭ Viciebsku.