11 udzielnikaŭ subotniaha kancertu asudzili na aryšt i štraf

Ich spravy siońnia razhladaŭ sud Centralnaha rajona stalicy.

Nahadajem, što 24 sakavika ŭ minskim DK MTZ pavinien byŭ adbycca pank-kancert u padtrymku FNB-hrup (heta ruch, prychilniki jakoha razdajuć biazdomnym viehanskuju i viehietaryjanskuju ježu). Ale nie paśpieŭ kancert pačacca, jak u zału ŭvarvaŭsia śpiecnaz i zatrymaŭ amal usich prysutnych, heta było kala sotni čałaviek. Mnohich paśla adpuścili, na Akreścina apynulisia 13 čałaviek, jakija čakali tam suda.

Pa 2 sutak aryštu atrymali: Pavieł Biełanaŭ, Pavieł Hrynievič, Alaksandr Piedaš, Andrej Ściapanaŭ i Dźmitryj Charłančuk. Štraf u pamiery 70 tysiač rubloŭ atrymaŭ Dźmitryj Huraŭ, 105 tysiač — Alaksandr Jaraševič, 140 tysiač — Jaŭhien Ułasienka, 175 tysiač — Mikita Ułasienka, Uładzimir Dźmitračkoŭ i Jaŭhien Rubaška.

Jak paviedamlaje sajt belarus.indymedia.org, adnaho z zatrymanych, Ihara Truchanoviča, 25 sakavika zabrała «chutkaja». Jon znachodzicca ŭ balnicy ź lohkim satrasieńniem mozhu i jaho sud, vierahodna, adbudziecca paźniej.

Kamientary da artykuła