Dziŭny vypadak u Pleščanicach
Kiroŭcu stała kiepska, jon spyniŭsia, abliŭ sałon aŭtamabila bienzinam i padpaliŭ jaho.
Učora ranicaj u Ministerstva pa nadzvyčajnych situacyjach pastupiła paviedamleńnie z Łahojskaj rajonnaj balnicy: u reanimacyjnaje adździaleńnie byŭ dastaŭleny mužčyna (1970 h. n.).
Jon raspavioŭ miedykam, što jechaŭ na svaim «Falksvahienie» pa vulicy Kastryčnickaj u Pleščanicach. Potym jon «adčuŭ niedamahańnie, spyniŭsia, abliŭ sałon aŭtamabila bienzinam i padpaliŭ jaho», paśla čaho na mužčynie ŭspychnuła adzieńnie.
Pry hetym jon sam zmoh dabracca da svajho doma, što byŭ pobač. «Chutkuju» vyklikaŭ susied. U hetaj dziŭnaj historyi jašče treba razabracca supracoŭnikam milicyi.
Pakul ža za žyćcio paciarpiełaha zmahajucca miedyki: jaho stan aceńvajuć jak vielmi ciažki.U jaho termičnyja apioki 1–3 stupieni 60% cieła.