Skarhu Stefanoviča pieranakiravali ŭ Minabarony
Hienieralnaja prakuratura nakiravała skarhu pravaabaroncy Valancina Stefanoviča, jakomu byŭ abmiežavany vyjezd za miežy Biełarusi, u Ministerstvie abarony. Pra heta pravaabaronca byŭ prainfarmavany listom z Hienprakuratury 28 sakavika,paviedamlaje sajt spring96.org
U skarzie Stefanovič prasiŭ pravieści prakurorskuju pravierku i ŭstanavić asob, jakija pryniali niepravamiernaje rašeńnie ab abmiežavańni jaho prava na vyjezd ź Biełarusi, a taksama pryniać nieadkładnyja miery pa adnaŭleńni parušanych pravoŭ.
11 sakavika pravaabaronca nie zmoh vyjechać ź Biełarusi. Na
Na dumku Stefanoviča, «takija dziejańni pa abmiežavańni vyjezdu z krainy majuć naŭmysny charaktar i skiravany na parušeńnie kanstytucyjnych pravoŭ hramadzian na svabodu pieramiaščeńnia vyklučna pa palityčnych matyvach. U hetym vypadku Hienieralnaja prakuratura pavinna była pravieści prakurorskuju pravierku, ad čaho jana poŭnaściu ŭchiliłasia, nakiravaŭšy skarhu ŭ Ministerstva abarony».
Rašeńnie ab časovym abmiežavańni vyjezdu z krainy Stefanovič budzie taksama abskardžvać praz sud.
Nahadajem, z pačatku sakavika admovu ŭ vyjeździe za miažu atrymali apazicyjnyja palityki Anatol Labiedźka, Viktar Karniajenka, Siarhiej Kalakin, Valeryj Uchnaloŭ, Vincuk Viačorka, Leŭ Marholin i Stanisłaŭ Šuškievič, pravaabaroncy Valancin Stefanovič, Aleh Hułak, Hary Pahaniajła, Aleh Vołčak i Andrej Bandarenka, žurnalisty Žanna Litvina, Michaił Jančuk i Andrej Dyńko.
Va ŭpraŭleńniach pa hramadzianstvie i mihracyi pa miescy žycharstva im u jakaści pryčyn admovy na vyjezd za miažu nazyvali niajaŭku ŭ vajenkamat nakont pryzyvu ŭ armiju (prytym što pryzyŭny ŭzrost hetych hramadzian daŭno zakončyŭsia), a taksama niejkija vystaŭlenyja im hramadzianskija iski, ab jakich sami nievyjaznyja ničoha nie viedali.