150 čałaviek evakujavali ź viciebskaj stamatałahičnaj palikliniki pry pažary
Bolš za 150 čałaviek byli evakujavany 2 krasavika ź Viciebskaj haradskoj kliničnaj stamatałahičnaj paliklinikiz-za pažaru.
Jak paviedamili ŭ Viciebskim abłasnym upraŭleńni MNS, u 11.59 pastupiła paviedamleńnie ab zadymleńni na trecim paviersie palikliniki. Pa prybyćci da miesca vykliku padraździaleńniaŭ MNS nazirałasia mocnaje zadymleńnie na trecim paviersie trochpaviarchovaha cahlanaha budynka miedustanovy, hareła majomaść u kładoŭcy artapiedyčnaha adździaleńnia.
Budynak abstalavany sistemaj aŭtamatyčnaj pažarnaj sihnalizacyi i sistemaj moŭnaha abviaščeńnia, jakija ŭ vyniku pažaru spracavali. Rabotnikami padraździaleńniaŭ MNS z budynka byli vyratavany try čałavieki. Sumiesna z rabotnikami palikliniki z budynka byli evakujavany 156 čałaviek — rabotniki i naviedniki.
Ahniom u pamiaškańni kładoŭki paškodžany kampjutarny stoł i kampjutar. Pryčyna pažaru i ŭron ustanaŭlivajucca.