Hiermanija kupiła ŭ Biełarusi nafty na $108 miljonaŭ
A ekspart naftapraduktaŭ u Jeŭrasajuz za adzin tolki studzień pieravysiŭ $1 miljard.
Jak vynikaje sa spravazdačy Biełstata, pryśviečanaj ekspartu minieralnych praduktaŭ u studzieni 2012 hoda, Biełaruś praciahvaje pradavać za miažu syruju naftu. U pryvatnaści,
Hiermanija nabyła 139 tysiač ton, zapłaciŭšy $107,7 miljona. Košt tony skłaŭ $774.Heta značna daražej za nabytuju ŭ Rasii naftu, ale tańniej za pastaŭki ź Vieniesueły.
Što da prodažaŭ naftapraduktaŭ, to Biełaruś vyručyła za studzień $1,3 miljarda, pradaŭšy 1,63 miljona ton. Jak zaŭsiody,
asnoŭnym pakupnikom vystupiŭ Jeŭrasajuz, jaki skupiŭ 78% tavaru.
Najbolšaja dola pryjšłasia na Hałandyju ($735 miljonaŭ), chutčej, na jaje party, adkul naftapradukty raźjazžajucca pa ŭsim śviecie pa niavyznačanych nakirunkach. Ukraina zapłaciła $243 miljony, treci hałoŭny pakupnik – Łatvija ($152 miljony). Aproč taho, bujnyja pastaŭki ažyćciaŭlalisia ŭ Italiju ($56 miljonaŭ), Litvu ($26 miljonaŭ), Afhanistan ($25 miljonaŭ) i Polšču (23 miljony).