Muž anhielskaj karalevy čarhovy raz husta pažartavaŭ

+ padborka pierłaŭ prynca Pilipa

90-hadovy hiercah daŭno słavicca svaim hrubavatym humaram.

Čarhovy raz muž karalevy Vialikabrytanii, hiercah Edynburhski, prync Pilip prademanstravaŭ svajo svojeasablivaje pačućcie humaru, pažartavaŭšy ź invalida pytańniem, ci šmat ludziej toj «pierajechaŭ» na svajoj kalascy. Na što 60-hadovy Devid Miler, prykavany da invalidnaha kresła, nie pakryŭdziŭsia, zaŭvažyŭšy, što dla hiercaha «typovyja dobryja žarty».

Užo paśla adjezdu vysokich haściej, adkazvajučy na pytańni žurnalistaŭ, Devid Miler skazaŭ, što nie pakryŭdziŭsia na žart prynca Pilipa: «Hiercah słavicca svaim humaram, ničoha strašnaha nie zdaryłasia, heta ŭsio było ŭ ramkach dobraha žartu». «Ja prosta adkazaŭ jamu: nie, Vašaja Karaleŭskaja Vysokaść, ja nikoha nie pierajechaŭ», — padzialiŭsia padrabiaznaściami razmovy z pryncam Devid Miler.

Humar ad prynca Pilipa, hiercaha Edynburhskaha

— U 1986 hodzie hiercah publična skazaŭ hrupie brytanskich studentaŭ u Kitai, što kali jany buduć dobra vučycca, to chutka ŭ ich buduć raskosyja vočy.

— Adnojčy prync zaŭvažyŭ parahvajskamu dyktataru Alfreda Streśnieru (prezidentu ŭ 1954–1989 hadach), «jak pryjemna pabyvać u krainie, jakoj nie moža kiravać ułasny narod».

— U adnaho ź instruktaraŭ pa kiravańni ŭ Šatłandyi pacikaviŭsia, jak jamu ŭdavałasia vyvodzić miascovych žycharoŭ z zapojaŭ, kab tyja mahli zdać ekzamien.

— U 2002 hodzie ŭ Aŭstralii hiercah spytaŭ u adnaho z pradstaŭnikoŭ miascovaha nasielnictva, ci kidajuć jany da hetaha času adzin u adnaho dzidy.

— U 2010 hodzie ŭ anhielskim horadzie Ekseter Filip pacikaviŭsia ŭ 24-hadovaha marskoha kadeta Elizabet Rendł, čym jana zarablaje na žyćcio. Dziaŭčyna adkazała, što pracuje ŭ načnym kłubie, na što prync udakładniŭ, ci nie ŭ stryptyz-kłubie raptam.

— Pra svaju dačku pryncesu Hannu, jakaja šalona lubić koniej, jon niejak skazaŭ: «Toje, što nie žuje siena, jaje nie cikavić».

Kamientary da artykuła