U Tokia pačaŭsia najmahutniejšy z 1959 hoda ŭrahan

Kala Tokia z-za macniejšaha za bolš čym 50 hadoŭ urahanu abvieščana štarmavoje papiaredžańnie, paviedamlaje mietearałahičnaja słužba Japonii.

Siła vietru ŭrahanu, jaki ruchajecca ŭ bok Tokia, dasiahaje 117 kiłamietraŭ u hadzinu.

U horadzie admieniena kala 600 avijarejsaŭ, spynieny ruch na šerahu čyhunačnych mahistralaŭ. Z-za ŭrahanu, jaki nasoŭvajecca na stalicu Japonii z paŭdniovaha zachadu, zakryta mnostva ofisaŭ, tysiačy supracoŭnikaŭ kampanij adpuščanyja z pracy.

U Mietearałahičnaj słužbie Japonii žycharoŭ cichaakijanskaha ŭźbiarežža papiaredzili ab mahčymaści ŭźniknieńnia chvalaŭ vyšynioj da 10 mietraŭ.

Adznačajecca, što ciapierašni ŭrahan pa pryrodzie nie źjaŭlajecca tajfunam, bo sfarmavaŭsia z-za roźnicy tempieratur pavietranych mas, a nie vady.

Kamientary da artykuła