Muzyka pamiežža Biełarusi i Litvy
U Brasłavie adkryłasia vystava, pryśviečanaja tradycyjnaj muzycy kanca XIX — pač. XX st.
Hrajuć Kacia Radziviłava i Hintaras Andryjaŭskas.
Vystupaje ansambl «Paazierje».
Frahmient vystavy.
U Muziei tradycyjnaj kultury Brasłava adbyłosia adkryćcio fotavystavy «Muzykanty Siełonskaha kraju», na jakoj byli pradstaŭleny fotavyjavy muzykaŭ Litvy kanca XIX — pač. XX st., a taksama muzyčnyja instrumienty z fondaŭ Brasłaŭskaha muziejnaha abjadnańnia.
Na vystavu zavitali šmatlikija hości, u tym liku i ŭdzielniki Mižnarodnaha etnamuzyčnaha letnika, jaki prachodzić u Brasłavie.
Spačatku vystupiŭ falkłorny ansambl «Paazierje», stvorany vykładčykami Pastaŭskaj dziciačaj muzyčnaj škoły pad kiraŭnictvam Anatola Sobala. Paradavali słuchačoŭ miełodyjami, vykananymi na biełaruskich tradycyjnych instrumientach: skrypcy, cymbałach, harmoniku i barabanie. Hučali valsy «Sustreča», «Litoŭski vals», «Harmošačka». Prysutnyja pačuli «Hruzdaŭskuju kadryl», zapisanuju ŭ miastečku Hruzdava, što na Pastaŭščynie, jakaja daŭniej słaviłasia svaim arkiestram z 40 muzykaŭ!
Vystupiŭ z pramovaj adzin z aŭtaraŭ vystavy Hintaras Andryjaŭskas, jaki raskazaŭ pra rodnasnaje padabienstva biełaruskich i litoŭskich muzyčnych instrumientaŭ, prakamientavaŭ niekatoryja fotapracy.
Cikava, što siarod fotazdymkaŭ možna było znajści kopii staronak z katałoha muzyčnych instrumientaŭ, jaki byŭ vydadzieny ŭ 1904 hodzie uSankt-Pieciarburhu .
Dalej impravizavali udzielniki etnamuzyčnaha letnika, jakija hrali na skrypcy, mandalinie, dudzie, harmoniku. Siarod vykanaŭcaŭ była Kacia Radziviłava — talenavitaja vykanaŭca biełaruskich tradycyjnych i staražytnych miełodyj.
U kancy imprezy hości pačuli apovied zahadčycy muzieja Eleanory Zinkievič pra kalekcyju muzyčnych instrumientaŭ, jakaja źbirajecca z pač.