Rybak znajšoŭ na bierazie raki hranatamiot

Cikavy vypadak adbyŭsia ŭ Chojnickim rajonie.

Ilustracyjnaje fota

Niezvyčajnuju znachodku znajšoŭ na bierazie raki Vić, što ŭ Chojnickim rajonie, adzin z rybakoŭ.

Za prysiadzibnymi ŭčastkami niedaloka ad vioski Barysaŭščyna 25-hadovy miascovy žychar začapiŭ vokam niezvyčajny pradmiet u vyhladzie truby.

Heta srodak adnarazovaha prymianieńnia dla źniščeńnia braniravanych celaŭ i žyvoj siły praciŭnika, jon byŭ pryniaty na ŭzbrajeńnie ŭ Savieckaj armii ŭ 1985 h. i vykarystoŭvajecca va Uzbrojenych siłach i siońnia.

Supracoŭniki miascovaj milicyi razam z pradstaŭnikami vajenkamata kanfiskavali znojdzienuju zbroju.

Pavodle zdahadki milicyjantaŭ, niadaŭni ŭładalnik vyrašyŭ pazbavicca ad hranatamiota z-za śpiecapieracyi «Arsienał», jakaja pravodzicca ŭ rehijonie. Tym nie mienš pravaachoŭniki majuć namier vyśvietlić, u jakim vajskovym padraździaleńni «nie zaŭvažyli» źniknieńnia adzinki bajavoj zbroi. Heta dapamoža identyfikacyjny numar, jaki dobra zachavaŭsia na hranatamiocie.

Kamientary da artykuła