Biełaruś vs Biełarusija
dasłaŭ čytač
Biełarusami mnohija ciapier stanoviacca mienavita ŭ internecie.
Artykuł rasiejskamoŭnaj Vikipiedyi ab našaj krainie nazyvajecca «Biełoruśsija». Mianie heta začapiła, i ja dasłaŭ redakcyi Vikipiedyi list: «Biełaruś — heta nie aficyjnaje skaračeńnie, jak u vas napisana, a naša aficyjnaja nazva.
Siońnia nivodny adukavany biełarus nie abzavie svaju radzimu Biełarusijaj. Nazva Biełaruś prapisanaja ŭ Kanstytucyi, usich aficyjnych dakumientach.Užyvańnie nazvy Biełarusija ciapier — histaryčnaja pamyłka».
Vyjaviłasia, što nie ja adzin turbujusia ab kałanijalnym pieražytku…
Mnie chutka adkazali: «Pavažny Źmicier, hetaje pytańnie źjaŭlajecca vielmi aktualnym, i supolnaść Vikipiedyi viadzie nakont jaho vielmi haračuju dyskusiju. Za raźvićciom hetych debataŭ možna sačyć tut».
Adčyniŭ spysyłku i byŭ pryjemna ździŭleny… Prablema nazyvańnia našaj krainy pa-rasiejsku šyroka abmiarkoŭvajecca. Razvažańniaŭ stolki, što možna napisać dysiertacyju. Kamientary ad samych pamiarkoŭnych da radykalnych. Adny ludzi z Rasii prapanujuć dać biełarusam samim vyrašyć, jak zvacca. Apanienty ŭ svaju čarhu zabaraniajuć psavać litaraturnuju rasiejskuju movu…
U karystalnikaŭ Vikipiedyi kansensusu nikoli nie budzie.Dziesiać miljonaŭ biełarusaŭ nazyvajuć svaju krainu Biełaruś, ale bolšaj pałovie hramadzian
Nie ŭkaraniłasia nazva Biełaruś u susiedziaŭ za dvaccać hadoŭ niezaležnaha isnavańnia. Ale sprava nie ŭ hetych sprečkach… A ŭ tym, što z nazvaj našaj krainy ŭvieś histaryčny čas niešta adbyvajecca.
Byli my i Litvoj, i Litoŭskaj Ruśsiu, i Biełaj Ruśsiu… Navat ciapier spračajemsia ŭ internecie za nazvu. A heta značyć, što praces farmavańnia dziaržavy i nacyi jašče praciahvajecca.
Biełarusami mnohija ciapier stanoviacca mienavita ŭ internecie:my svabodna dzielimsia pohladami, krytykujem uładu i sprabujem pisać
Hatovyja pisać da bolu ŭ palcach, kab znajści praŭdu, kali heta choć na kroplu tyčycca našaj krainy.
Dźvie samyja hałoŭnyja padziei ŭ maim maładym žyćci adbylisia amal adnačasova. U 1991 (amal kali ja naradziŭsia) my abviaścili sabie niezaležnaj Respublikaj Biełaruś i razvaliŭsia SSSR, a praź niekalki hod pačaŭ raźvivacca biełaruski internet. Dvaccać hadoŭ tamu my adyšli ad našaha savieckaha minułaha… Ciapier mnohija ździviacca, maŭlaŭ, nikudy my ad jaho nie źbiehli, jak i našy susiedzi. Sapraŭdy, ale jak heta prosta vyśviatlić? Dastatkova ŭvieści nazvu našaj krainy ŭ pošukovym radku.
Pryhadvajecca žyćciovaja mudraść: na ŭsio patrebny peŭny čas.