U Hrecyju rasśledujuć zahadku «vostrava ślapych»
Da ślapych vostrava Zakintas masava viartajecca zrok.
Vostraŭ Zakintas raniej słyŭ svaimi ruinami vieniecyjanskaj epochi, a taksama błakitnymi vodami na plažach. Ciapier jon staŭ viadomy jašče i nadzvyčajnaj kolkaściu ślapych. Novy ŭrad krainy, jaki pravodzić palityku strohaj ekanomii, vyjaviŭ, što pracent ślapych na vostravie až u 9 razoŭ pieravyšaje siaredniejeŭrapiejski. U ES prykładna 0,2% ludziej ličacca invalidami pa zroku. Na Zakintasie — až 1,8%.
Pravierka vyjaviła, što dapamohu jak ślapyja atrymlivajuć, u tym liku, miascovy taksist i ptuškałoŭ (jość i takaja pasada ŭ sacyjalna aryjentavanaj Hrecyi) .
Hrecyja sutyknulisia ź vialikim ekanamičnym kryzisam praz toje, što ŭrad doŭhi čas prychoŭvaŭ sapraŭdny pamier dziaržaŭnaha doŭhu, a vydatki biudžetu ŭvieś čas raśli.
Pravasłaŭnaja carkva Hrecyi pakul nijak nie zreahavała na epidemiju ślepaty na Zakintasie. Ale joj varta pilnavać situacyju: chutka na vostravie ślapyja masava i raptoŭna stanuć viduščymi.