Chakiejny matč Aŭstryja — Biełaruś adbudziecca pry pustych trybunach
Zapłanavany na 6 krasavika chakiejny matč pamiž zbornymi Aŭstryi i Biełarusi, jaki vyklikaŭ vialikuju sprečku pamiž uładami pravincyi Karyntyja i aŭstryjskaj fiederacyjaj chakieju, usio ž adbudziecca ŭ pryznačany dzień u ladovym pałacy horada Fiłach, ale pry pustych trybunach.
Pavodle prezidenta nacyjanalnaj chakiejnaj fiederacyi Dytera Kalta, takoje rašeńnie stała adzina mahčymym kampramisam.
Pryčynaj sprečak vakoł mižnarodnaha matča 6 krasavika, jaki maje adbycca ŭ ramkach padrychtoŭki da pieršynstva śvietu 2012 hodu i byŭ zahadzia zaćvierdžany IIHF, stali data i miesca jaho praviadzieńnia.
Sioleta na 6 krasavika ŭ katolikaŭ prypadaje Vialikaja piatnica — dzień, kali Chrysta raśpiali na kryžy.
Pavodle zakonaŭ pravincyi Karyntyja, u dzień raśpiaćcia Chrysta, a taksama na Kalady tut zabaronienyja vidoviščy, u tym liku chakiejnyja matčy. Tamu karyntyjskija ŭłady rašuča nastojvali na admienie sustrečy.
U svaju čarhu, Aŭstryjskaja nacyjanalnaja fiederacyja chakieju z šajbaj zaklikała ŭładnyja dy relihijnyja koły zrazumieć i jaje niaprostuju situacyju: pieranieści matč u inšaje miesca niemahčyma, a kali aŭstryjskaja zbornaja nie zhulaje sa svaimi biełaruskimi supiernikami ŭ zahadzia zapłanavany čas, jaje dalejšy ŭdzieł u čempijanacie śvietu stanie prablematyčnym.
Idučy nasustrač zaŭziataram, u tym liku i ź inšych aŭstryjskich pravincyjaŭ, hulniu buduć tranślavać u žyvym efiry na kanale ORF, a