U Pinsku ŭ race znojdziena cieła 21-hadovaha chłopca
Pinski haradski adździeł Śledčaha kamiteta vyśviatlaje akaličnaści hibieli 21-hadovaha miascovaha žychara. Jak paviedamili ŭ haradskim adździele Śledčaha kamiteta, cieła maładoha čałavieka 2 krasavika znajšli i dastali z raki Pina ŭ rajonie vulicy Stolinskaj vadałazy miascovaha Asvoda.
Vadałazy pačali pošuki paśla taho, jak napiaredadni viečaram u milicyju pastupiła paviedamleńnie ad miascovaha žychara, što z mosta, mahčyma, upaŭ čałaviek.
Pryčynu śmierci zahinułaha ŭstanaŭlivaje pryznačanaja sudova-miedycynskaja ekśpiertyza. Pinskim haradskim adździełam Śledčaha kamiteta padčas pravierki razhladajucca niekalki viersij trahiedyi, u tym liku samahubstva.
Zahinuły byŭ rabočym adnaho ź miascovych pradpryjemstvaŭ.