U najbližejšyja sutki — mokry śnieh z daždžom, na poŭdni — da 17°S

Prahnoz nadvorja na 4--6 krasavika.

Pavodle prahnozu Respublikanskaha hidramieteacentra, u najbližejšyja sutki ŭ Biełarusi nočču budzie pieramiennaja vobłačnaść, dniom pavieličeńnie vobłačnaści.

Nočču ŭ asobnych rajonach nievialikija apadki (u asnoŭnym śnieh). Dniom na bolšaj častcy terytoryi daždžy, pa poŭnačy z mokrym śnieham, miescami pa Hrodzienskaj, Viciebskaj i Minskaj abłaściach mocnyja apadki, nalipańnie mokraha śniehu. Nočču i ranicaj na asobnych učastkach daroh hałalodzica. Viecier paŭdniova-ŭschodni 4–9 m/s, dniom miescami paryvy da 14 m/s. Tempieratura pavietra minimalnaja nočču minus 3 — plus 3°S, pa paŭnočnym uschodzie da minus 7°S;

maksimalnaja dniom plus 5–11°S, pa poŭdni plus 12–17°S, u paŭnočna-zachodnich rajonach 0 — plus 4°S.

U Minsku zaŭtra, 4 krasavika, bieź istotnych apadkaŭ, u druhoj pałovie dnia časam apadki (u asnoŭnym doždž). Nočču i ranicaj na asobnych učastkach daroh hałalodzica. Tempieratura pavietra minimalnaja nočču minus 1–3°S, maksimalnaja dniom plus 6–8°S.

U nastupnyja dvoje sutak u Biełarusi budzie vobłačna z prajaśnieńniami. U čaćvier, 5 krasavika, nočču časam śnieh, mokry śnieh, miescami mocny śnieh, nalipańnie mokraha śniehu, słaby hałalod; u paŭdniova-ŭschodnich rajonach apadki, u asnoŭnym doždž. Dniom pa ŭschodzie karotkačasovyja apadki, u asnoŭnym mokry śnieh. Viecier uschodni ź pierachodam na paŭnočny 5–10 m/s. Tempieratura pavietra minimalnaja nočču minus 4 — plus 3°S, pa paŭdniovym uschodzie plus 4–7°S;

maksimalnaja dniom plus 2–8°S, pa poŭdni da plus 12°S.

6 krasavika pa krainie pieravažna biez apadkaŭ, tolki pa Bresckaj i Homielskaj abłaściach miescami karotkačasovyja apadki (mokry śnieh, doždž). Nočču i ranicaj na darohach hałalodzica. Viecier niaŭstojlivy 3–8 m/s. Tempieratura pavietra minimalnaja nočču minus 1–7°S, pa poŭdni 0 — plus 3°S;

maksimalnaja dniom plus 5–12°S.

Kamientary da artykuła