9 krasavika ŭ Biełarusi abjaŭlena štarmavoje papiaredžańnie
Čakajucca mocnyja apadki ŭ vyhladzie mokraha śniehu i daždžu.
Na 9 krasavika ŭ Biełarusi abjaŭlena štarmavoje papiaredžańnie. U paniadziełak nočču i ŭ pieršuju pałovu dnia pa paŭdniova-ŭschodnich rajonach respubliki (Homielskaja i Mahiloŭskaja vobłaści) čakajucca mocnyja apadki ŭ vyhladzie mokraha śniehu i daždžu, paviedamlaje sajt Respublikanskaha hidramieteacentra.
U hety dzień Biełaruś budzie znachodzicca ŭ tyłavoj, chałodnaj, častcy cykłonu, jaki pieramiaščajecca z poŭdnia Ukrainy na centralna-čarnaziomnyja rajony Rasii. Zachavajecca niaŭstojlivaje i chałodnaje nadvorje. U centralnych i ŭschodnich rajonach respubliki časami buduć iści apadki, hałoŭnym čynam mokry śnieh, miescami nalipańnie mokraha śniehu. Nočču i ranicaj na asobnych učastkach daroh hałalodzica. Viecier paŭnočna-zachodni, paŭnočny ŭmierany. Tempieratura pavietra: nočču minus 4 — plus 3°S, pa zachadzie pry prajaśnieńniach da minus 7°; dniom 0 — plus 7°S.
U aŭtorak, 10 krasavika, na bolšaj častcy Biełarusi nadvorje budzie vyznačać vobłaść pavyšanaha atmaśfiernaha cisku, sfarmiravanaja ŭ chałodnaj pavietranaj masie paŭnočnych šyrot. Charaktar nadvorja źmienicca: na bolšaj častcy respubliki apadkaŭ nie čakajecca, tolki va ŭschodnich rajonach Homielskaj i Mahiloŭskaj abłaściej projdzie nievialiki mokry śnieh. Nočču i ranicaj na darohach hałalodzica. Viecier paŭnočny, dniom ź pierachodam na paŭdniovy. Tempieratura pavietra: nočču 0 — minus 7°S, pa paŭdniovym uschodzie da plus 2°; dniom 2—9° vyšej za nul, pa paŭdniovym zachadzie pavietra prahrejecca da 12°S.