U Baranavičach uznaharodzili pažarnaha, jaki vyratavaŭ dvuchhadovaje dzicia — fota
Vital Pierachod paśpieŭ padchapić chłopčyka, jaki vypaŭ z akna druhoha paviercha.
Staršynia harvykankama Viktar Dzičkoŭski padziakavaŭ padpałkoŭniku za hodny ŭčynak, prafiesijanalizm i pažadaŭ dalejšych pośpiechaŭ i prasoŭvańnia pa słužbie.
Ranicaj 23 sakavika Vital Pierachod, vykonvajučy słužbovyja abaviazki, apynuŭsia na vulicy Hajovaj. Vypadkova ŭ aknie druhoha paviercha adnaho z damoŭ mužčyna ŭbačyŭ maleńkaha chłopčyka, jaki adkryŭ akno i staŭ vypaŭzać na vulicu. Vital Pierachod kinuŭsia da doma i paśpieŭ padchapić dvuchhadovaha chłopčyka na ruki.
Jak paviedamili ŭ Baranavickim HRANS, u Ministerstvie pa nadzvyčajnych situacyjach zaraz taksama razhladajecca pytańnie ab uznaharodžańni Vitala Pierachoda.