CVK Paŭdniovaj Asiecii: vybary adbylisia
Na vybarach kiraŭnika Paŭdniovaj Asiecii prahałasavali bolš za 30% žycharoŭ, heta dazvalaje ličyć, što vybary adbylisia, paviedamili ŭ centralnaj vybarčaj kamisii rehijonu, jaki adkałoŭsia ad Hruzii.
Učastki buduć adkryty da 20:00 pa maskoŭskim časie (16:00 pa Hrynvičy).
U niadzielu ŭ Paŭdniovaj Asiecii prachodziać paŭtornyja vybary prezidenta. U ich prymajuć udzieł eks-kiraŭnik KDB Leanid Cibiłaŭ i ŭpaŭnavažany pa pravach čałavieka David Sanakojeŭ.
Naziralniki ad Rasiei zajaŭlajuć, što parušeńniaŭ, zdolnych paŭpłyvać na zychod hałasavańnia, nie zafiksavana. Mižnarodnaja supolnaść ličyć vybary ŭ samaabvieščanaj respublicy nielehitymnymi.