Hiunter Hras nieŭjazny ŭ Izrail
Na hetym tydni 84-hadovy Hras apublikavaŭ u adnoj ź niamieckich hazet vierš, u jakim vostra skrytykavaŭ Izrail, abvinavaciŭšy jaho ŭ imknieńni napaści na Iran, a taksama va ŭtojvańni ad mižnarodnaj supolnaści praŭdy ab svaim jadziernym patencyjale. Vierš vyklikaŭ rezkuju reakcyju izrailskich lideraŭ, jakija abvinavacili piśmieńnika ŭ antysemityźmie, i vostruju palemiku ŭ Niamieččynie dy inšych krainach. Sam Hras zajaviŭ, što jaho krytyka nakiravanaja nie na samu dziaržavu Izrail, a na jaho ciapierašniaje kiraŭnictva.
Ministar unutranych spraŭ Izraila Eli Išaj zajaviŭ, što ŭjezd piśmieńniku ŭ krainu budzie zakryty na padstavie zakona, jaki zabaraniaje naviedvańnie Izraila byłym nacystam. Hiunter Hras niadaŭna ŭ aŭtabijahrafičnaj knizie pryznaŭsia, što ŭ apošnija miesiacy 2-j suśvietnaj vajny słužyŭ u častkach Vafen-SS.