Vybuchi ŭ Nihieryi: jość achviary i paciarpiełyja + fota
Pa mienšaj miery 18 čałaviek zahinuli ŭ vyniku vybuchaŭ dvuch načynienych vybuchoŭkaj aŭtamabilaŭ na poŭnačy Nihieryi ŭ horadzie Kaduna, paviedamili ŭłady krainy.
Jak skazaŭ karespandentu Bi-bi-si aficyjny pradstaŭnik, vybuchi byli nastolki mahutnymi, što ruchavik adnaho z aŭtamabilaŭ adkinuła bolš čym na 50 mietraŭ.
U Kadunie ŭ apošnija niekalki dzion byli ŭzmocnienyja miery biaśpieki paśla taho, jak pastupili papiaredžańni ad isłamisckaj hrupoŭki Boka Charam ab rychtavanym napadzie.
Boka Charam stavić pierad saboj metaj źviaržeńnie ŭrada Nihieryi i ŭstalavańnie ŭ krainie praŭleńnia musulmanskaha zakona — šaryjatu.
U minułym hetaja hrupoŭka niaredka pravodziła napady na roznyja abjekty pa ŭsioj krainie.