Startavaŭ rejs «Tytanik-2»
Kruizny łajnier «Bałmorał» uziaŭ na bort 1309 pasažyraŭ — kolki i «Tytanik» 100 hod tamu.
Kruizny łajnier «Bałmorał» adpraviŭsia z brytanskaha Saŭthiemptana ŭ honar stohadovaha jubileju pieršaha i apošniaha rejsa parachoda «Tytanik». «Bałmorał» u dakładnaści paŭtoryć maršrut «Tytanika». U dzień hibieli parachoda, 14 krasavika, kali, jak čakajecca «Bałmorał» padydzie da miesca, dzie zdaryłasia trahiedyja i dzie na akijanskim dnie spačyvajuć pareštki lehiendarnaha łajniera, udzielniki miemaryjalnaha rejsa zrobiać paminalnuju słužbu.
Na sudnie znachodziacca 1309 pasažyraŭ — dakładna takaja kolkaść, jak na «Tytaniku». U mieniu karabielnaha restarana — tyja ž stravy, jakija kaliści prapanoŭvali ludziam, što ździajśniali padarožža na «Tytaniku».