Łukašenka na katalicki Vialikdzień hulaŭ u chakiej u Hrodnie i Minsku

dadałosia videa

A pryz najlepšaha bambardzira amatarskaha turniru zavajavaŭ Pavieł Bieły.

Kamanda Alaksandra Łukašenki vyjhrała Piatyja respublikanskija spabornictvy pa chakiei siarod amatarskich kamand na pryzy prezidenckaha spartyŭnaha kłuba.

Park Horkaha cełuju niadzielu byŭ ačepleny. Siońnia na Krytym katku CHK «Junactva-Minsk» kamanda Łukašenki atrymała druhuju pieramohu nad družynaj Hrodzienskaj vobłaści — 6:3 (5:0, 1:1, 0:2) u finalnaj sieryi, jakaja praciahvałasia da dźviuch pieramoh adnaho z supiernikaŭ.

Na rachunku Łukašenki halavy pas.

BiełTA asabliva adznačaje ŭ vielmi padrabiaznaj spravazdačy pra turnir, što haradziency trojčy mieli kolkasnuju pieravahu, ale ni razu nie zdoleli realizavać bolšaść.

U subotu kamanda Łukašenki vyjhrała ŭ Hrodnie ź likam 9:8.

Pryz najlepšaha bambardzira ŭručany forvardu kamandy prezidenta Paŭłu Biełamu, jaki nabraŭ bałaŭ 27 (15 šajbaŭ + 12 halavych pieradač). Z pryčyny traŭmy ŭ finalnaj sieryi jon nie hulaŭ,

Na rachunku A. Łukašenki (jon forvard, vystupaje pad numaram 1) - 13 bałaŭ (4+9).

BiełTA zaznačaje, što ŭ piacihadovaj historyi spabornictvaŭ pieramožcami stanavilisia ŭsiaho dźvie družyny: kamanda Łukašenki (2008, 2010, 2011, 2012) i zbornaja Homielskaj vobłaści (2009).

Arhanizatarami piatych respublikanskich spabornictvaŭ pa chakiei siarod amatarskich kamand na pryzy prezidenckaha spartyŭnaha kłuba vystupili respublikanskaje dziaržaŭna-hramadskaje abjadnańnie «Prezidencki spartyŭny kłub», Ministerstva sportu i turyzmu, Fiederacyja chakieja Biełarusi, Minski harvykankam. Partnior turniru — Biełaruskaja kalijnaja kampanija. Hienieralny infarmacyjny partnior — Nacyjanalnaja dziaržaŭnaja teleradyjokampanija Respubliki Biełaruś.

Videa BiełTA

Kamientary da artykuła